EXTRAORDINARIOS RESUNTADOS DOS NOSOS REGATISTAS NA 10ª REGATA DE VELA LIXEIRA RÍA DE FERROL.
Por décimo ano consecutivo, Ferrol acolleu ás frotas galegas das
clases Optimist e Láser e, cunha fin de semana con condicións cambiantes e
cun vento moi rolón, validouse a regata realizándose 4 probas
para a clase Optimist e 5 para a clase Láser, das 6 probas programadas
para cada unha das categorías participantes. Os Optimist e os Láser, nun
número de 54 unidades, navegaron as augas da nosa ría deixando
imaxes espectaculares e estéticas que fixeron patente a beleza do
deporte da vela lixeira e das grandes posibilidades que ten a ría para
a súa práctica.
O sábado 13, a predición meteorolóxica prevía ventos moderados a fortes
do nordeste e a tarde de regatas comezou así, pero aos poucos foise
moderando a intensidade do vento e a tarde foi gris e con chuvascos
por momentos intensos.
O comité de regatas ordenou o sinal de atención da primeira proba
para a clase Láser ás 14:45, sobre un campo de regatas entre boias, de forma
trapezoidal, para ser cuberto aproximadamente nun tempo de 30
minutos polos Láser e de 40 minutos polos Optimist.
Puideron completarse tres probas para a clase Láser e dúas probas
para a clase Optimist, nas que os representantes das grímpolas dos
máis significados clubs de vela lixeira que asistiron ao evento batéronse o
cobre por levar as posicións de honra da regata.
Un espléndido día de regatas no que os regatistas regresaron a terra
sobre as 19:00 horas e que culminou cunha cea conxunta de regatistas,
adestradores, xuíces e demais colaboradores da regata no
restaurante da Feira Mostras de Ferrol.
O domingo 8 amenceu o ceo con algunhas nubes, pero aos poucos
foron despareciendo, dando paso a unha mañá asollada e con vento dunha
intensidade entre 7 e 10 nós de compoñente nor-noroeste. O comité de regatas
ordenou a saída de frota ao mar ás 11:00 da mañá e puidéronse
validar dúas probas por categoría.
Así as cousas, as clasificacións, nas prazas de honra, quedaron
configuradas da seguinte maneira:
Clase Optimist sub-11:
1º.- Jacobo García Rodríguez, do Club Marítimo de Canido (Vigo).
2º.- Marta Cora Balseiro, do Club Marítimo de Oza (A Coruña).
3º.- Carolina Comesaña Valcarce, do Club Marítimo de Canido.
Clase Optimist Sub-13:
1º.- Martín Mijares Grobas, do Real Club Náutico da Coruña. Gañador
ademais da clasificación xeral da clase Optimist.
2º.- Emma Chamorro González, do Club Marítimo de Canido (Vigo).
3º.- Juan Vello Montero, do Club Marítimo de Canido (Vigo).
Clase Optimist A:
1º.- Mariano Torres Gestal, da ACRD Grupo Bazán Ferrol.
2º.- Marta Torres Gestal, da ACRD Grupo Bazán Ferrol.
3º.- Víctor Nicolás Gómez García, do Club Marítimo de Canido (Vigo).
Clase Láser 4.7:
1º.- Rubén Cabral Torrado, do Real Club Náutico de Vigo.
2º.- Nicolás González Franco, do Club Marítimo de Canido (Vigo).
3º.- Marco Cumani Roig, Club Alamar Sada.
Clase Láser Radial:
1º Pedro Fernández Sancristán, do Club Marítimo de Canido (Vigo).
2º Alfredo Fernández Nores, da ACRD Grupo Bazán Ferrol.
3º Carolina Iglesias Gómez, Club Marítimo de Canido (Vigo).
Clase Láser Standard:
1º.- Serafím Gonçalves, do Clube Naval Povoense de Póvoa de Varzím
(Portugal).
2º.- Jaime Fernando Acebal Dávila, Club Marítimo de Oza (A Coruña).
3º.- Luís Inaraja Bobo, do Club Náutico de Castrelo de Miño (Ourense).
Destacadísimo papel dos regatistas ferroláns da clase Optimist,
irmáns Torres Gestal, Mariano e Marta, e do laserista Alfredo Fernández
Nores, que obtiveron postos de honra nas dúas categorías máis
disputadas da regata, os irmáns Torres obtiveron o primeiro posto,
Mariano, e o segundo, Marta, na clasificación de Optimist sub-16 e que
ademais lles valeron para alzarse co segundo e terceiro posto na
clasificación xeral da clase Optimist.
Alfredo Fernández, xa habitual no pódium desta regata na clase
Láser en anos anteriores (4.7 e Radial), fíxose co segundo caixón do
pódium da clase Láser Radial en dura pugna con Pedro Fernández,
regatista do Marítimo de Canido, ambos os integrantes da Selección Galega
de Vela, e que deron un recital de bo navegar na nosa ría, quedando
na clasificación final separados unicamente por dous puntos ao vencer o vigués
en tres das probas disputadas e o ferrolán nas outras dúas.
En canto aos outros tres regatistas locais, a destacar tamén o
quinto posto na clasificación xeral da clase Optimist de Lola Hortas
realizaron, obtendo o resto de representantes do Grupo Bazán
resultados notables tendo en conta que se medían a representantes dos
clubs máis poderosos dentro da vela lixeira galega. O seu adestrador Óscar
Gómez destaco o bo traballo de todos os alumnos en xeral, resaltando
a súa entrega e progresión nas súas posicións.
A regata finalizou coa entrega de trofeos e un ágape ofrecido polo
Club organizador no restaurante da Feira de Mostras na Malata.